Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Tramp tarafdorlari mitinglarni Telegram orqali rejalashtirmoqda
13.01.2021 17:25,  
168

AQShning amaldagi Prezidenti Donald Tramp tarafdorlari saylangan Prezident Jo Baydenning inauguratsiyasi kuni namoyish o‘tkazishni rejalashtirish uchun maxfiy Telegram kanallardan foydalanmoqda. Bu haqda AQShning NBC News nashri xabar berdi.

Ma’lum qilinishicha, Tramp tarafdorlari Telegram kanallari orqali 20 yanvar kuni bo‘lib o‘tadigan Baydenning inauguratsiya marosimida Hukumat amaldorlariga qarshi zo‘ravonlik qilishga chaqirmoqda. Zo‘ravonlik faollari kanallarda qo‘lbola qurol va bombalarni yasash, yashirish va ulardan foydalanish to‘g‘risida ko‘rsatmalar bilan ham bo‘lishmoqda. 

Habarga ko‘ra, AQSh Federal qidiruv byurosi, allaqachon, 50 ta shtat poytaxtida sodir bo‘lishi mumkin bo‘lgan qurolli norozilik namoyishlari to‘g‘risida huquq-tartibot va xavfsizlikni ta’minlovchi organlarga ogohlantiruvchi xabarlar yuborgan.

Ma’lumot uchun, ayni paytda ommaviy axborot vositalarida Apple App store’dan Telegram messenjerini o‘chirib yuborishi mumkinligi to‘g‘risida xabarlar paydo bo‘lgan.

O‘z navbatida, AQShning amaldagi Prezidenti Donald Tramp mamlakatda kechayotgan vaziyatga baho berib, saylangan Jozef Baydenning inauguratsiyasi oldidan xavfsizlikni ta’minlash maqsadida favqulodda holat e’lon qilgan va Vashingtonga federal yordam yuborgan.

Ma’lumot o‘rnida, 6 yanvar kuni Tramp tarafdorlari AQSh Kongressi binosiga bostirib kirib, 3 noyabr kuni mamlakatda bo‘lib o‘tgan prezidentlik saylov natijalari tasdiqlanishiga to‘sqinlik qilmoqchi bo‘ldi. Tez orada politsiya va maxsus kuchlar Kapitoliy tepaligidagi Kongress binosidan Trampni qo‘llab-quvvatlovchi namoyishchilarni chiqardi. Kongressmenlar Baydenni saylangan Prezident sifatida tasdiqlash jarayonini muvaffaqiyatli yakunladi. So‘nggi ma’lumotlarga ko‘ra, tartibsizliklar oqibatida besh kishi halok bo‘lgan va 70 ga yaqin kishi hibsga olingan.

Tavsiya etamiz






Tavsiya etamiz

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан