AQSh Prezidenti Donald Tramp Tog‘li Qorabog‘ bo‘yicha muzokaralarda qatnashayotganini e’lon qildi. Bu haqda Oq uy matbuot xizmatining saytida xabar berilgan.
"Tramp Armaniston va Ozarbayjon o‘rtasidagi vositachilik bilan shug‘ullanganligini aytdi, ammo u davlatlar rahbarlari bilan suhbatlashgan-suhbatlashmaganiga aniqlik kiritmadi", deyiladi bayonotda.
Avvalroq, 23 oktyabr kuni AQSh davlat kotibi Mayk Pompeo Vashingtonda Armaniston va Ozarbayjon tashqi ishlar vazirlari Zohrab Mnatsakanyan va Jayhun Bayramov bilan alohida uchrashuvlar o‘tkazdi, deb xabar bermoqda Reuters.
"Ikkala tomon [Мнацаканян ва Помпео] Tog‘li Qorabog‘ mojarosi zonasida zudlik bilan o‘t ochishni to‘xtatish to‘g‘risida erishilgan kelishuvlarni bajarish zarurligini, shuningdek, tinchlik jarayonini YeXHT Minsk guruhi hamraislari doirasida davom ettirish kerakligini tasdiqladilar", deyiladi Armaniston TIV xabarida.
Armaniston va Ozarbayjon o‘rtasidagi Tog‘li Qorabog‘ bo‘yicha ziddiyat sentyabr oyi oxirida avj oldi. Tomonlar bir-birlarini provokatsiya va tajovuzkorlikda aybladilar, harbiy holatni joriy qildilar va og‘ir qurollardan foydalandilar.
1 oktabr kuni Rossiya, Fransiya va AQSh prezidentlari Vladimir Putin, Emmanuyel Makron va Donald Tramp Tog‘li Qorabog‘dagi janglar to‘g‘risida qo‘shma bayonot berishdi. Ular Boku va Yerevanni janglarni to‘xtatishga va muzokaralarga qaytishga chaqirdilar.
Bir hafta o‘tgach, 8 oktyabr kuni Putin yana mintaqadagi janglarni to‘xtatishga chaqirdi va ertasi kuni Moskvada Rossiya TIV Sergey Lavrovning vositachiligi bilan Armaniston va Ozarbayjon tashqi ishlar vazirlari bilan uch tomonlama muzokaralar bo‘lib o‘tdi. Ular davomida tomonlar 10 oktabr kuni tushdan boshlab sulhni to‘xtatish to‘g‘risida kelishib oldilar, ammo sulh kuchga kirgandan so‘ng deyarli darhol Boku va Yerevan bir-birlarini o‘q otishda aybladilar.
Shundan so‘ng, tomonlar gumanitar sulhning yangi sanasini - 18 oktyabr yarim tundan boshlab e’lon qilishdi, ammo birinchi kuni bu sulh buzildi.