Tramp AQShga immigratsiyani vaqtincha to‘xtatmoqchi

Tramp AQShga immigratsiyani vaqtincha to‘xtatmoqchi

AQSh prezidenti Donald Tramp 21 aprel kuni koronavirus pandemiyasi tufayli AQShga immigratsiyani vaqtincha to‘xtatmoqchi ekanligini ma’lum qildi.

«Ko‘rinmas dushmanning bosqini, shuningdek, bizning ajoyib Amerika fuqarolarimizning ish joylarini himoya qilish zarurati tufayli, men AQShga immigratsiyani vaqtincha to‘xtatish to‘g‘risida farmonga imzo chekaman!» - deb yozdi u o‘z tvitterida.

Amerika prezidenti boshqa tafsilotlarni keltirmagan.

Jon Xopkins universiteti ma’lumotlariga ko‘ra, Qo‘shma Shtatlarda 786 mingdan ortiq koronavirus infeksiyasi qayd etilgan. 42 mingdan ortiq odam vafot etdi.