Turkiya prezidentining Jamoatchilik bilan aloqalar agentligi mamlakatning NATO a’zoligiga 68 yil to‘lishini nishonlamoqda.

"68 yil tinchlik va xavfsizlik uchun birgalikda", deyiladi agentlikning Tvitterdagi sahifasida. Shuningdek, kecha Turkiya prezidenti ma’muriyatining Jamoatchilik bilan aloqalar bo‘limi tomonidan tayyorlangan videoni joylashtirdi:

"Bugun biz #WeAreNATO (Biz NATO) kampaniyasini o‘tkazmoqdamiz, unda biz Turkiyaning NATOga qo‘shgan hissasini va NATOning mamlakatimizga qo‘shgan hissasini tushuntiramiz. Mamlakatimiz har doim siyosiy, harbiy va axborot sohalarida Alyansning muhim a’zosi bo‘lib qoladi!”

Eslatib o‘tamiz, fevral oyining boshlarida Turkiyaning harbiylari Suriyaning Idlib shahrida Suriya harbiylari tomonidan o‘qqa tutilishi natijasida ikki tomondan bir qancha harbiylar va oddiy fuqarolar qurbon bo‘lishgan edi. Hozirgi kunda Idlibdagi keskin vaziyat bo‘yicha Turkiya rasmiylari Rossiya hukumati bilan muzokaralar o‘tkazmoqda.

17 fevral kuni Tashqi ishlar vazirining o‘rinbosari Sedat O‘nal boshchiligidagi Turkiya delegatsiyasi Moskvaga tashrif buyurdi. Ikkinchi Rossiya-Turkiya muzokaralarining birinchi kunida Idlibda deskalatsiyaning ko‘tarilish usullari to‘g‘risida kelishishning imkoni bo‘lmadi. Bugun maslahatlashuvning ikkinchi bosqichi bo‘lib o‘tadi.

MAVZUGA DOIR: Shavkat Mirziyoyev Turkiyaga jo‘nab ketdi