​Vashington Anqaraning Suriyadagi harbiy harakatlarini diqqat bilan kuzatmoqda, agar Turkiya “qoidalar bo‘yicha o‘ynamasa” unga “kuchli zarba” berishga tayyor, deb aytdi AQSh prezidenti Donald Tramp.

Turkiya yetakchisi amaliyotning uchta maqsadni aytdi: janubiy chegarani terrorchilardan xalos qilish, Suriya hududiy yaxlitligini himoyalash va suriyalarni o‘z yurtiga qaytishini ta’minlash.

Anqaraning bu qadami ayrim qo‘shni davlatlar, shuningdek Yevropa ittifoqi e’tiroziga sabab bo‘ldi.

O‘z navbatida Tramp AQSh Turkiyaning Suriyadagi amaliyotini ma’qullamaganligini va uni “yomon fikr” deb hisoblashini aytdi.

Turkiya mudofaa vazirligi so‘nggi ma’lumotlarga qaraganda, zarbalar natijasida kurdlarning 181 ta ob’yekti yo‘q qilindi. Turkiya hududida esa 9 oylik bolakay va 48 yoshli davlat xizmatchisi halok bo‘ldi. 46 nafar turk fuqarosi turli darajada jarohatlangan. Kurdlar tomonida yo‘qotish esa 170 kishiga yetgan.