17 mart kuni Parijdan Istanbulga qo‘ngan samolyot yo‘lovchilari karantinga joylashtirildi, Bu haqda Diken nashri xabar bermoqda.
Yo‘lovchilarni aeroportdan karantinga olib ketayotgan avtobus politsiya va boshqa davlat xizmatchilari tomonidan yo‘lda to‘xtatilgan. Xodimlar karantin qoidalariga zid ravishda avtobusdan yosh qizni tushirishgan va davlat avtomashinasida olib ketishgan. Shundan so‘ng avtobusning qolgan yo‘lovchilari qattiq e’tiroz bildirishdi.
Yo‘lovchilarning ta’kidlashicha, ushbu qiz davlat amaldorining farzandi bo‘lib, otasi shaxsiy manfaati uchun hukumat kuchidan, ya’ni politsiyadan foydalangan. Yo‘lovchilar esa, davlat xizmat xodimlaridan noqonuniy ravishda foydalanilganidan va karantin qoidalari qo‘pol ravishda buzganligidan qattiq ranjigan.