Koronavirus pandemiyasi sababli Turkiyada joriy qilingan komendantlik soati 1 iyuldan boshlab butunlay bekor qilinadi, dedi respublika prezidenti Rajab Toyyib Erdo‘g‘on.
1 iyundan boshlab Turkiya hukumati koronavirusga qarshi choralarni yumshatdi — komendantlik soati qisqartirildi (22:00-05:00) va yakshanba kuni tunu kun karantin joriy etildi. Kafe va restoranlar xaridorlarni qabul qila boshladi, sport zallari qayta ochildi, to‘ylarga ruxsat berildi.
«Bugun Vazirlar Mahkamasining yig‘ilishida biz qaror qabul qildik: 1 iyuldan komendantlik soati butunlay bekor qilinadi. Davlat muassasalari normal ish vaqtiga qaytadi. Jamoat transportidan foydalanish bo‘yicha yosh cheklovlari bekor qilindi», — dedi Erdo‘g‘on televizion murojaatida.