Ўзбекистоннинг Истанбулдаги Бош консуллигига жорий йил март ойида юборилган факсограммада 2020 йил октябрь ойи бошларида кучли заҳарланиш оқибатида ҳушини йўқотган, шахсини тасдиқловчи ҳужжат ва мобил телефонига эга бўлмаган шахс Истанбул шаҳридаги «Göztepe prof. dr. Süleyman Yalçın şehir hastanesi»га ётқизилгани, кейинчалик «Cinar 2 Bakım Merkezi»га кўчирилгани маълум қилинган.

Ушбу шахс интенсив терапия бўлимига ўтказилишидан олдин ўзини 1987 йилда туғилган «САИД НОМАТОВ» деб айтган (Ўзбекистон фуқароси бўлиш мумкин). У 23 март куни «Cinar 2 Bakım Merkezi»да вафот этган.

Аммо ҳозирги вақтга қадар унинг шахси ва қайси давлат фуқароси эканига ойдинлик киритишнинг имкони бўлмаган.

Шу муносабат билан, ушбу шахсни таниганлардан Истанбулдаги Бош консулхонага ёки Ташқи меҳнат миграцияси агентлигининг Истанбулдаги вакилига  +90 (212) 3232037 рақами орқали зудлик билан мурожаат қилишлари сўралган.