Xabaringiz bor, 2019 yil yanvar oyidan boshlab O‘zbekistonda xorijga chiqish pasporti joriy qilindi. Yana shu yil eski, biometrik bo‘lmagan pasportlar chet davlatlarda yil oxirigacha muomalada bo‘lishi e’lon qilingandi.
Ijtimoiy tarmoqlarda Turkiyadagi O‘zbekiston elchixonasi Turkiyadagi chet el fuqarolariga yashash ruxsatnomasi beruvchi Göç idorasiʼga bu haqda nota yuborgan. Faqat yil oxirigacha muomalada qoladigan pasportning eski, biometrik bo‘lmagan pasport ekanligi bilan birga, biometrik pasportlarning muddati tugagungacha amalda bo‘lishini bildirmagan. Bu esa turli tushunmovchiliklarni yuzaga keltirmoqda degan xabarlar tarqalgandi.
Manbamizning xabar berishicha, mazkur vaziyat yuzasidan Turkiyadagi O‘zbekiston elchixonasi va Istanbul shahridagi konsullik bo‘limi tomonidan Turkiyaning Migratsiya Boshqarmasiga va kerakli boshqa barcha mutasaddi idoralariga o‘z vaqtida nota berilgan.
Ayni vaqtda tegishli mutasadilar tomonidan kerali ishlar amalga oshirilmoqda va vaziyat nazoratga olinganligi ma’lum qilindi.