Turkiyaliklar Shahrisabzdagi qishloqlardan biriga chodirlar qurib, turizmni rivojlantirmoqchi
4.06.2021 16:52,
260
Shahrisabz tuman hokimi Samad Hasanov Turkiyaning "Art Deco Design" kompaniyasi rahbariyati bilan uchrashgan.
Tuman hokimligi Matbuot xizmatiga ko‘ra, muloqot davomida turkiyaliklar bilan "Uloch" MFY Qani qishlog‘ida ekoturizm zonasini tashkil etish ishlari muhokama qilingan. Kelishuvlarga ko‘ra, Qani qishlog‘ining hushmanzara joylarida yengil konstruksiyali ekoturizm zonalari tashkil etiladi. U yerda kempinglar va dam olish chodirlari quriladi.
Turkiyalik investorlar bilan hamkorlikda tumanda jami 11 ta ekoturizm loyihasi amalga oshiriladi. Loyihalarning umumiy qiymati 114 milliard so‘mni tashkil etadi