Turkmaniston bilan Eron o‘rtasidagi chegara-o‘tkazish maskanlari 8 yanvardan beri yopiq qolmoqda. Bu haqda «Xronika Turkmenistana» nashri xabar qiladi.

Ashxobod yaqinidagi Bajgiran, Etrek qishlog‘i yaqinidagi Etrek punktlari hamda Sagart va Artiq maskanlari bir necha kundan buyon yuk va odamlarni o‘tkazmayapti.

Erondan oziq-ovqat va boshqa mahsulotlar olib o‘tish bilan shug‘ullanib yurgan mayda savdogarlarga ko‘ra, chegarachilar chegara maskanlarining yopilishiga oid aniq sabablarni ham, punktlar qachon ochilishini ham aytolmayaptilar.

Bajgiran bojxona punkti zobitlaridan biri buning AQSh va Eron o‘rtasidagi taranglik bilan bog‘liq bo‘lishi mumkinligini taxmin qilgan.