Turkmanistonda paxta yig‘im-terimiga byudjet tashkiloti xodimlari va harbiylardan tashqari alimentdan qarzdorligi bor shaxslar, ro‘yxatga olingan alkashlar hamda fohishalar majburiy tarzda jalb qilinmoqda.
Mazkur fuqarolar Serdar etrapidagi “Azadi”, “Yashlik”, “Sarp”, Jahangir” dehqon birlashmalari, shuningdek, Bereket etrapining “Uzinsuv”, “Mahtumquli”, “Turkmaniston” dehqon birlashmalarida paxta terishga majburan jo‘natildi.
Piyonistalar va fohishalar paxta terimiga “axloq tuzatish” maqsadida jo‘natilayotgani ta’kidlanmoqda. Joriy yilda Turkmanistonda 1 million 250 ming tonna paxta yetishtirish rejalashtirilgan.