Bugun, 14 mart kuni Toshkent shahridagi Uchtepa tumanidagi avtoservisda porlash yuz berdi. Bu haqda Toshkent shahar IIBB xabar bermoqda.

Xabarda aytilishicha, avtoservisda kislorod balloni portlagan, natijada servis binosi tomining bir qismi qulab tushdi. Jabrlanganlar kasalxonaga yotqizilgan.

Bildirilishicha, hozirda tergov harakatlari olib borilmoqda. Favqulodda vaziyatlar vazirligi, prokuratura va Toshkent shahar ichki ishlar boshqarmasi xodimlari voqea joyida ishlamoqda.

Xabarlarga ko‘ra, 1 nafar fuqaro voqea joyida va 1 nafari kasalxonada vafot etgan. Shuningdek, 4 kishi og‘ir jarohat olgani aytilmoqda.