Ukraina prezidenti Vladimir Zelenskiy yaqin kunlarda Ramazon va Qurbon hayitlarini davlat diniy bayramlari maqomini olish to‘g‘risidagi farmonni imzolashni rejalashtirmoqda.
Ukraina prezidenti matbuot xizmatiga ko‘ra, bunday bayonot bilan u Qrim tatarlari vakillari bilan uchrashuvda ma’lum qilgan.
Prezident Qrim tatar xalqining vakillariga murojaat qilib “Biz har bir kishi o‘zini Ukraina fuqarosi, deb his qiladigan davlat qurmoqchimiz. Men har bir kishi o‘z xalqining tarixi va urf-odatlarini unutmasdan, o‘zini to‘la huquqli fuqaro sifatida his etishini istardim. Biz sizni nafaqat so‘z bilan, balki amalda ham, qonunchilik darajasida ham qo‘llab-quvvatlamoqchimiz”, deya ta’kidladi.