Ukrainaning sobiq tashqi ishlar vaziri Kojara qasddan odam o‘ldirishda gumon qilinib hibsga olindi

Ukrainaning sobiq tashqi ishlar vaziri Kojara qasddan odam o‘ldirishda gumon qilinib hibsga olindi

Obozrevatel

Ukraina sobiq tashqi ishlar vaziri Leonid Kojara ishbilarmon Sergey Staritskiyning o‘limiga aloqador bo‘lishi mumkin. Sodir bo‘lgan voqealar tafsilotini OBOZREVATEL nashri o‘z manbasiga asoslanib xabar bermoqda.

Manbaga ko‘ra, bir qator alomatlar Kojaraning qotillikka aloqadorligini ko‘rsatmoqda. Xususan, Staritskiyning yuzida o‘zini joniga qasd qilish, ya’ni yuziga o‘zi o‘q uzganlikka xos bo‘lgan izlar yo‘q. Bundan tashqari, qurol marhumning qo‘lida mahkam ushlab turilgan, garchi jasad yiqilib tushganida uning qo‘lidan to‘pponcha tushib ketishi kerak edi.

Bundan tashqari, Kojaraning qonida 0,8 promil miqdorida spirtli ichimlik qayd etilgan. Manbaning taxmini bo‘yicha, uy egasi qasddan yoki bila turib mehmonni otib o‘ldirishi mumkinligi va bu xatti-harakatdan qo‘rqib, shubhani yo‘qotish uchun marhumning qo‘liga to‘pponchani tutqazgan. Sobiq vazir mast holda o‘z uyining hovlisida bir necha bor o‘q uzganligi haqida dalillar bor.

22 fevral kuni Leonid Kojaraning uyida Sergey Staritskiyning o‘ldirilishi haqida xabar berilgan. Dastlab uning o‘limi o‘z joniga qasd qilish deb hisoblangan, ammo keyinchalik tergovda marhumning o‘z joniga qasd qilmaganligi haqida dalillar chiqdi.

Staritskiy Atlantic Group aloqa xolding kompaniyasining bosh direktori bo‘lgan. Bungacha u Ukraina davlat teleradiokompaniyasining xalqaro aloqalar bo‘limini boshqargan.