Ulug‘bek Inoyatovning 5 kishilik oilaga 2,5 mln so‘m oylik yetarli degan gapiga O‘zbekiston Xalq demokratik partiyasi Markaziy Kengashi sektor mudiri Ravshan Xomitov izoh berdi. Bu haqda Xalqaro press-klub Telegram-kanalida ma’lum qilindi.

«Bizning siyosiy partiyamiz rahbari, hurmatli Ulug‘bek Ilyosovich, 2,5 million pul 5 kishidan iborat oilaga yetadi degan fikrni bildirganida oilaning barcha xarajatlarini nazarda tutmagan. Balki faqat oziq-ovqat mahsulotlarini xarid qilishni nazarda tutgan edi», — degan Ravshan Xomitov.

Eslatib o‘tamiz, XDP partiyasi raisi Ulug‘bek Inoyatov 10 noyabr kuni Toshkentda siyosiy partiyalar vakillari ishtirokida o‘tkazilgan «Demokratik debat»da Toshkentda 2,5 million so‘m oylik oluvchi bir nafar boquvchi 5 kishidan iborat oilani boqishi mumkin, deb aytgandi.