Urganch–Istanbul–Urganch yo‘nalishidagi muntazam aviaqatnovlar 4 iyuldan boshlab amalga oshiriladi. Bu haqda «Uzbekistan Airways» AJ axborot xizmati xabar berdi.
Qayd qilinishicha, aviaqatnov 4 iyul kunidan haftada bir marta yakshanba kunlari amalga oshiriladi. Urganch–Istanbul yo‘nalishida aviachipta 2 935 000 so‘mdan, Urganch–Istanbul–Urganch yo‘nalishi bo‘yicha aviachipta narxi 4 282 000 so‘mdan boshlanadi.