Saudiya Arabistonining neft shirkati Saudi Aramco neft qazib olishning aniq rejalashtirilayotgan raqamlarini ma’lum qildi —aprel oyida kuniga 12,3 mln barrel.
Rejalashtirilgan qazib olish mart oyiga nisbatan 2,6 mln barrelga ko‘proqdir. Hatto mart oyidagi 9,7 mln barrel/kunlik ham neftga bo‘lgan talabning barqaror darajasining maksimumi sanaladi deb hisoblaydi tahlilchilar.
Saudi Aramco rejalari to‘g‘risida AFP fransuz nashri o‘z tvitterida xabar berdi. Neft shirkatning aksiyalari 6 %ga ko‘tarilib, hozirda 30,05 rialga yetdi.
#BREAKING Saudi Aramco says to hike output to 12.3 mn barrels per day in April pic.twitter.com/YFmT9tLfwK
— AFP news agency (@AFP) March 10, 2020
Rossiya hukumati allaqachon mahalliy neft kompaniyalari qazib olishni kuniga 200-300 ming barrelga, kelajakda esa 500 mingtagacha oshirishini aytishdi, dedi energetika vaziri Aleksandr Novak. U neft kompaniyalari investitsiya rejalarini qayta ko‘rib chiqishlari kerakligini tan oldi, ammo neft narxi bir necha oy ichida tiklanishiga umid bildirdi.
Mavzuga doir: Rossiya neft narxi $25 gacha tushib ketishiga tayyor
Brent bahosidagi neftning may oyidagi fyucherslari barrel uchun taxminan 36,2 dollarni tashkil etmoqda.
Mavzuga doir: Saudiya Arabistoni Rossiyaga qarshi neft urushini boshlaydimi?