Koronavirus o‘chog‘i hisoblangan Xitoyning Uxan shahrida 14 fevraldan karantin rejimi yanada kuchaytirildi. Bu haqda mamlakat kommunistik partiyasi rasmiylari ma’lum qildi.
Ta’kidlanishicha, hukumat Uxanda shahar ichidagi hududdan hududga o‘tishni taqiqlab qo‘ydi.
Endi shahar ichidan tumanlarga faqatgina nazorat-o‘tkazuv punktlari orqali o‘tish mumkin. O‘tish uchun esa jiddiy sabab bo‘lishi talab qilinadi. Aks holda o‘tkazish taqiqlanadi.
O‘tkazuv punktlarida mutaxassislar fuqarolarning tana harortalarini tekshirishadi.
2019 yilning dekabrida boshlangan epidemiya sabab, Xitoyda vafot etganlar soni 1500 kishidan oshdi.
Eslatib o‘tamiz, Xitoy hukumati musulmonlar ko‘p yashaydigan Shinjon-Uyg‘ur avtonom o‘lkasida shahar ichida hududdan hududga nazorat-o‘tkazuv punktlari orqali o‘tish rejimini joriy qilgan.