14 mart kuni ertalab Uzcard’da profilaktika ishlari olib borildi. Bu haqda to‘lov tizimining operatori ma’lum qildi.

EPOS ma’lumotlariga ko‘ra, tizimda potensial texnik uzilishlar aniqlangan. Ularni bartaraf etish maqsadida soat 11:00 dan 11:20 gacha Uzcard mutaxassislari tomonidan jarayonlarni optimallashtirish bo‘yicha tezkor ishlar olib borildi.

Bu vaqtda elektron tijorat hisob-kitoblarini qabul qiluvchi to‘lov xizmatlari tomonidan qisqa muddatli nosozliklar yuzaga keldi. Endi to‘lovlar tiklandi va normal ishlamoqda, deya ta’kidladi EPOS

POS-terminallar orqali to‘lovlar, shuningdek, bankomatlardan naqd pul yechib olish ham oddiy rejimda amalga oshiriladi, deya qo‘shimcha qilingan xabarda.

To‘lov xizmati vakillari vaqtinchalik noqulayliklar uchun uzr so‘radi.