Vadim Abramov bilan tuzilgan shartnomaga ko‘ra, u terma jamoani Jahon chempionatiga olib chiqa olmasa, avtomatik ravishda iste’foga chiqishi belgilab qo‘yilgan. O‘FA prezidenti terma jamoaning yangi murabbiyi kim bo‘lishi ma’lum muddatdan so‘ng aniq bo‘lishini aytib o‘tdi.

O‘FA prezidenti Abdusalom Abduazizov: «Milliy terma jamoaning yangi murabbiyi kim bo‘lishini mutaxassislar, O‘FA faxriylari birgalikda ko‘rib chiqishadi. Bu bir kunda aniqlanadigan masala emas. Yangi murabbiy kim bo‘lishi aniq bo‘lgandan keyin, Sizga e’lon qilinadi».

Shu bilan O‘FAning navbatdan tashqari hisobot kongressi yakunlandi.