20 avgust kuni O‘zbekiston Prezidenti Shavkat Mirziyoyev tadbirkorlar bilan uchrashuv o‘tkazdi. Ijtimoiy tarmoqlarda esa ushbu tadbirda ishtirok etgan Oliy ta’lim vaziri Abduqodir Toshqulovning go‘yoki Prezident majlisida uxlab o‘tirgani aks etgan fotosuratlar tarqaldi. 

Davlat rahbarining tadbirkorlar bilan uchrashuvida bevosita ishtirok etgan jurnalist holatga oydinlik kirituvchi videolavhani e’lon qildi.

Ko‘rinib turibdiki, vazir Abduqodir Toshqulov tadbirda uxlamagan, balki kerakli ko‘rsatmalarni qayd etib borayotgan bo‘lgan.