Ijtimoiy tarmoqda «Videoga oladigan bloger GAI» sarlavhasi ostida tarqalgan video lavha yuzasidan YHXBB ma’lumot berdi.
«Joriy yilning 12 may kuni Andijon viloyati IIB YHXB YPX xodimi A.Qurbonov Andijon shahar, Yu.Otabekova ko‘chasida «Damas» rusumli avtomobilni to‘xtatgan va haydovchi, 1999 yilda tug‘ilgan B.Sh.ga nisbatan avtomobilni tegishli hujjatsiz boshqarganligi bo‘yicha ma’muriy bayonnoma tuzib, vaqtincha saqlash uchun jarima maydonchasiga joylashtirgan.
Shundan so‘ng, haydovchi va o‘zini «haydovchining otasiman» deb tanishtirgan fuqaro YPX xodimining yoniga kelib turli izohlar talab qilgan.
Hozirda mazkur holat yuzasidan viloyat IIB YHXB tomonidan surishtiruv harakatlari olib borilmoqda» deyiladi Bosh boshqarma axborot xizmati xabarida.