Xalqaro valyuta jamg‘armasi Afg‘oniston bilan hamkorlikni to‘xtatdi. Bu haqda XVJ vakili Jerri Rays bayonot berdi.
"Biz Afg‘oniston hukumatini tan olish borasida xalqaro hamjamiyatga qarab ish tutamiz, hozircha esa bunday ma’lumotga ega emasmiz. Shu bois, XVJning respublikadagi dasturi vaqtincha to‘xtatildi", - deb qayd etdi Rays.
U shuningdek, avgust oyida mamlakatlar o‘rtasida taqsimlangan maxsus huquqlar toliblarga joriy etilmasligini eslatib o‘tdi.
Ilgariroq, AQSh Afg‘oniston Markaziy banki rezervlarining kattagina qismini muzlatib qo‘ygandi. Bu o‘laroq respublika yetti milliard dollarga yaqin pullardan mahrum bo‘ldi.
Mamlakat hokimiyati tepasiga kelgan toliblar, amerika valyutasi saqlab qolinishiga yo‘naltirilgan qator choralarni qabul qildilar. Dollar berishga qo‘yilgan taqiq shu choralardan biri bo‘ldi. Endilikda afg‘onlar naqd pullarni faqat milliy valyutada olishlari mumkin.