Kecha, 9 mart dushanba kuni, noma’lum shaxslar Sudan Bosh vaziri Abdulloh Hamdukka suiqasd uyushtirdi. Bu haqda Al Arabiya telekanali xabar berdi.
Olingan ma’lumotlarga ko‘ra, hukumat boshlig‘ining avtoulovi avtomobil ko‘prigi ostidan o‘tib ketayotganda, uning yonida to‘xtab turgan mashina portlatilgan. Siyosatchi jabrlanmagan va xavfsiz joyga yetkazildi, deb xabar beradi Sky News Arabia.
Sudan poytaxtidagi manbalariga ko‘ra, bosh vazir hamrohligida bo‘lganlardan bir kishi yengil jarohatlangan. Hamdukning kortejidagi ikkala mashina ham ozgina shikastlangan.
Eslatib o‘tamiz, o‘tgan yilning avgust oyi oxirida mamlakatda harbiy to‘ntarish oqibatida Sudanni 30 yil boshqargan prezident Umar al-Bashir hokimiyatdan chetlatilgan edi. Bir necha oy o‘tib hukumatga Abdulloh Hamduk kelgan.