Xitoy 2020 yilda dunyoning 200dan ziyod mamlakatiga 220 milliarddan ortiq tibbiy niqob eksport qilgan. Bu haqda XXR savdo vaziri o‘rinbosari Syan Kemin ma’lum qildi.
Uning aytishicha, yana 2,3 mlrd. himoya kiyimi hamda testlar uchun 1 mlrd. reaktivlar ham chetga sotilgan.
Hukumat a’zosining aytishicha, Xitoy epidemiyaga qarshi vositalarni yetkazib beruvchi eng yirik davlat sifatidagi maqomini faol rivojlantirib boryapti.
2020 yilda XXR iqtisodiyoti 2,3 foiz o‘sdi. Iqtisodiy yuksalishda oxirgi to‘rt yilda eng kam ko‘rsatkich qayd etilgan bo‘lsada, Xitoy koronavirus pandemiyasi paytida bu borada ijobiy natijaga erishgan yagona yirik davlatga aylandi.
Masalan, o‘tgan yili AQShda YaIM hajmi 3,5 foiz tushib ketdi. Bu 1946 yildan beri kuzatilgan eng yirik pasayishdir. Rossiyada esa bu miqdor 4 foizni tashkil etdi.