Hindiston qurolli kuchlari Ladakx chegara mintaqasida Xitoy harbiylari bilan to‘qnashuv natijasida 20 ga yaqin odamini yo‘qotdi. Bu haqda Hindustan Times o‘z manbalariga tayanib xabar bermoqda.
Manbaning so‘zlariga ko‘ra, to‘qnashuv 16 iyunga o‘tar kechasi XX asr o‘rtalaridan beri Xitoy va Hindiston o‘rtasidagi bahsli hudud bo‘lib kelgan Galvan vodiysida bo‘lgan.
Jang paytida hind tomon 20 askar va zobitni, shu jumladan piyoda batalyonining komandirini yo‘qotdi. Shuningdek, xitoyliklarning ham zarar ko‘rgani ma’lum, ammo ularning soni aniq emas.
Avvalroq OAV ushbu hududda Xitoy Hindiston harbiylariga qarata o‘t ochganligi haqida xabar bergan edi. Xitoy tomoni hindlar chegarani noqonuniy kesib o‘tganini da’vo qilmoqda.
Xitoy va Hindiston o‘rtasidagi hududiy nizolar 1962 yil Xitoy-Hindiston chegara urushiga olib kelgan edi.