Koronavirusdan vafot etganlar soni 170 kishiga yetdi. Bu haqda Xitoy hukumati xabar qildi.

Xitoyning o‘zida koronavirusni yuqtirganlar soni 7711 nafarga yetdi, ulardan 1370 nafarining ahvoli og‘ir.

Reytersning xabar berishicha, Xitoy hukumati koronavirus tarqalishining orqaga qaytishi mart oyining oxirlariga bo‘lishi mumkin. Fevral oyi o‘rtalarida esa virus tarqalishi eng ko‘p kuzatiladi.

Hozirda koronavirus tarqalmagan Xitoyning bironta ham provinsiyasi qolmadi. Shuningdek, virus Tailand (14), Gonkong (11), Singapur (10), Tayvan (8), Makao (7), Malayziya (7), Yaponiya (7), Avstraliya (7),  AQSh (5), Germaniya (4), BAA (4), Janubiy Koreya (4),  Fransiya (4), Kanada (3), Vetnam (2), Kambodja (1), Nepal (1), Finlyandiya (1), Kot-d’Ivuar (1), Shri-Lanka (1) davlatlariga ham tarqalib ulgurgan.