Bugun AOKA huzuridagi shtabda Sanitariya - epidemiologiya nazorati Davlat inspeksiyasi rahbari Nurmat Otabekov ishtirokida brifing o‘tkazildi. Unda koronavirus infeksiyasi bilan bog‘liq dolzarb savollarga javob qaytarildi.
Savol: Xitoy koronavirusi aslida biologik qurol ekanligi rostmi?
Javob: Rasmiy versiya quyidagicha: yangi virus tarqalishining manbasi taxminan Uxandagi dengiz mahsulotlari, shuningdek, yovvoyi va ekzotik hayvonlar (bo‘ri, tulki, ilonlar, ko‘rshapalak va hokazo) go‘shti savdosi bilan shug‘ullanadigan shahar bozori hisoblanadi.
Tabiatda aynan ko‘rshapalaklar koronavirus infeksiyasining asosiy tashuvchisi hisoblanadi.
Fikrimcha, koronavirus Xitoy biologik quroli emas, chunki aynan Xitoy o‘z vaqtida ushbu pandemiyadan o‘ta jiddiy aziyat chekkan.