Rossiya Prezidenti Vladimir Putin va Xitoy Xalq Respublikasi Raisi Si Szinpin videokonferensiya orqali muloqot qildi. Uchrashuvda tomonlar Xitoyda atom elektr stansiyasining yangi blokini qurish masalasini muhokama qilgan.
Uchrashuv asnosida ikki mamlakat rahbarlari Szyansu provensiyasidagi “Tyanvan” AESning yettinchi bloki va Lyaonin provinsiyasidagi “Syuydapu” AESning uchinchi bosqichini qurishga ruxsat berdi.
Eslatib o‘tamiz, atom elektr stansiyasi qurilishi bilan bog‘liq ikkala loyiha ham Rossiya tomonidan amalga oshiriladi. Ayniqsa, Tyanvan AES Rossiya va Xitoy o‘rtasidagi iqtisodiy hamkorlikning ramzi hisoblanadi.
Xitoyning “Jenmin jibao” gazetasi yozishicha, 2021 yilda Rossiya va Xitoy o‘rtasida yaxshi qo‘shnichilik, do‘stlik va hamkorlik to‘g‘risida imzolangan shartnomaning 20 yilligi keng miqyosda nishonlanadi.