AOKA huzuridagi shtabda Sanitariya-epidemiologik osoyishtalik agentligi direktorining birinchi o‘rinbosari Botir Qurbonov ishtirokida brifing o‘tkazildi.

Unda muhim savol va murojaatlar yuzasidan javob qaytarildi:

Savol: 15 iyun sanasidan boshlab Yaponiya, Janubiy Koreya, Xitoy Xalq Respublikasi va Isroil davlatlaridan (oxirgi 14 kun ushbu mamlakatlarda bo‘lib turgan) kirib kelgan shaxslar KARANTIN NAZORATIGA OLINMAYDI degan xabar berildi. Lekin OAVlarda Xitoy hududida vaziyat yana og‘irlashgani to‘g‘risida aytilmoqda. Shu to‘g‘risida batafsil to‘xtalib o‘tsangiz?

Javob: Yuqoridagi mamlakatlarda so‘nggi haftalarda epidemiologik barqarorlik ta’minlanayotgani uchungina «yashil hudud» deb belgilandi, agar epidemiologik vaziyat og‘irlashishi kuzatilsa, qo‘shimcha qarorlar qabul qilinishi mumkin.