Xitoylik tadbirkor Yu Siaoningga tegishli tibbiy niqoblar ishlab chiqaruvchi Dawn Polymer kompaniyasi Xitoy bozorining 40 %iga egalik qiladi. U koronavirus tufayli eng ko‘p foyda olgan oz sonli tadbirkorlardan biri.

"Tibbiy niqoblar ishlab chiqarish Yu uchun pul chop etishga o‘xshab qolgan" deb yozmoqda Financial Times.

Hozirda tibbiy niqoblar uchun global miqyosda ajiotaj talab yuzaga kelgan. Dunyo hukumatlari deyarli har bir fuqarosi uchun niqoblar xarid qilmoqda yoki ushbu sohada imtiyozlar taqdim qilmoqda. Masalan, O‘zbekistonda tibbiy niqob ishlab chiqarish uchun beriladigan litsenziya bekor qilindi. Qozog‘iston aholiga bepul tibbiy niqoblar tarqatmoqda.

Xitoy Uxandagi pnevmoniya tarqalishi haqida ma’lum qilgandan 6 hafta o‘tib, kompaniya aksiyalari 417 %ga oshdi.

Dawn Polymer 2002 yilda janob Yu tomonidan asos solingan.