Navoiy viloyat ma’muriy sudi raisi O. T. Ga nisbatan fevral oyida o‘z xizmat xonasida sud xodimi D. N. ni tepkilagani holati bo‘yicha jinoyat ishi qo‘zg‘atildi, deya xabar qildi «Gazeta.uz"ning huquqni muhofaza qilish organlaridagi axborot manbasi.

Eslatib o‘tamiz, viloyat sudida kompyuter tizimlarini boshqarish va ularga xizmat ko‘rsatish bo‘yicha muhandis bo‘lib ishlovchi D. N. sudya O. T. Boshqa sudyalar oldida oyoqlari bilan uni urganini xabar qilgan edi.

O. T. O‘zbekiston Jinoyat kodeksining 206-moddasida ko‘zda tutilgan jinoyatni (hokimiyat yoki xizmat vakolatini suiiste’mol qilish) sodir etganlikda ayblanmoqda. Tergov harakatlari boshlandi.