Bu haqida Zamon.uz’ Xorazm viloyati IIB matbuot xizmatiga asosan xabar bermoqda.
Voqea 23 yanvar kuni soat 13:30larda Xazorasp tumani tibbiyot birlashmasida sodir bo‘lgan.
Xazorasp tumanida yashovchi, 1977 yil tug‘ilgan shaxs tibbiyot birlashmasi tomiga chiqqan. O‘zini tomdan tashlamoqchi bo‘lgan shaxs tibbiyot birlashmasi xodimlari tomonidan pastga olib tushilgan.
Qayd etilishicha, u o‘zining xatti-harakatlarini anglay olmaydigan darajada kuchli mast holatida bo‘lgan. Fuqaro oila a’zolari hamrohligida qo‘yib yuborilgan.
Hozirda Xazorasp IIB tomonidan shaxsning xatti-harakatlariga huquqiy baho berish uchun surishtiruv ishlari olib borilmoqda.