21 may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 2950 nafarni tashkil qilmoqda. Bu haqda SSV matbuot xizmati xabar bermoqda. 

Aniqlangan yangi kasallanish holatlarining 6 nafari oldindan karantinda bo‘lgan fuqarolar, 5 nafari xorijdan kelgan shaxslar orasidan qayd etildi. Xorijdan kelgan fuqarolarning barchasi xalqaro yuk tashuvchi avtomashina haydovchilari sanaladi. 

Ayni paytda yurtimizda 2372 nafar koronavirus infeksiyasiga chalingan fuqarolar butunlay sog‘aydi. Hozirda mamlakatimizda 565 nafar bemor davolanmoqda. Ulardan 5 nafarining ahvoli og‘ir.