2020 yil 31 iyul soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 215 nafarga ortib 23 773 kishini tashkil etmoqda. Bu haqda Sog‘liqni saqlash vazirligining Jamoatchilik bilan aloqalar bo‘limi xabar beradi.
Yangi kasallanish holatlari:
- Toshkent shahrida - 151;
- Buxoro viloyatida - 35;
- Andijon viloyatida - 19;
- Toshkent viloyatida - 6;
- Qoraqalpog‘iston Respublikasida - 4;
qayd etilgan.
Bugun ayni paytga qadar Toshkent shahrida 291 nafar, Toshkent viloyatida 184 nafar, Andijon viloyatida 41 nafar, Xorazm viloyatida 4 nafar hamda Farg‘ona viloyatida ham 4 nafar, jami 524 nafar bemor tuzaldi.
Shunday qilib, yurtimizda 14 204 (+524) nafar koronavirus infeksiyasiga chalingan fuqarolar (59 foiz) sog‘aygan.
Hozirda mamlakatimizda 9 430 nafar bemor davolanmoqda.