“O‘zbekiston temir yo‘llari” AJ kecha, 7 may kuni Toshkent metropolitenining “7-bekat” stansiyasida nega chiroq o‘chib qolganiga izoh berdi.

Ma’lum bo‘lishicha, chiroqlarning o‘chib qolishiga elektr ta’minotining o‘zilishi sabab bo‘lgan. Biroq bu poyezdlarning harakatiga halaqit qilmagan.

“7 may kuni soat 21:10 da shahardan elektr ta’minotining uzilishi sodir bo‘ldi, bu esa Toshkent metropolitenining halqa yo‘nalishidagi “7-bekat” stansiyasida yoritish tizimiga, ya’ni 100 dona yoritish lampalarini o‘chishiga ham ta’sir ko‘rsatdi. Bu hodisa metro poyezdlarining harakatiga ta’sir qilmadi. Elektr ta’minoti 22:00 da tiklandi”, – deyiladi izohda.