«Yangi Angren» IESda sex rahbari bo‘lib ishlovchi xodim o‘zini osdi. Bu haqda «Zamon.uz» xabar berdi.
Ma’lum qilinishicha, IESda ishlovchi 40 yoshli S.Sh. o‘zini osgan. Oqibatda u vafot etgan. Marhum «Yangi Angren» IES ishi bo‘yicha tergovga jalb qilingani aytilmoqda.
«Jamoatchilik nafratiga sabab bo‘lgan falokat — yong‘in u rahbarlik qiladigan sexda sodir bo‘lgan. Ohangaron tumani Yonariq qishlog‘ida tug‘ilgan marhum S.Sh. ning o‘zini osishiga nima yoki qanday voqelik sabab bo‘lgani hozircha noma’lum», deyiladi xabarda.
Avvalroq Yangi Angren IESda sodir bo‘lgan portlash bo‘yicha jinoyat ishi ochilgani edi.