Departamentning Yangibozor tuman bo‘limi tomonidan “Xorazm hududiy elektr tarmoqlari” AJ, DXX va IIB bilan hamkorlikda o‘tkazilgan tezkor tadbirda, fuqaro U.Q. o‘zining xonadonida o‘zboshimchalik bilan hisoblagichdan tashqari elektr tarmog‘iga ulanib, 8 ta kompyuterlarni o‘rnatib 372 kun davomida noqonuniy kripto-aktivlar mayningi faoliyatini yuritib, ETK manfaatlariga 112,7 mln so‘m zarar yetkazganligi aniqlangan.
Xuddi shunday, tumanda yashovchi yana bir fuqaro K.Q. o‘zining xonadonida o‘zboshimchalik bilan elektr tarmog‘iga ulanib, 25 ta kompyuterlarni o‘rnatib, 198 kun davomida noqonuniy kripto-aktivlar mayningi faoliyatini yuritib, ETK manfaatlariga 122,4 mln so‘m zarar yetkazganligi aniqlangan.
Mazkur holatlar yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda.