Bu haqda AOKAda o‘tkazilgan matbuot anjumanida tuman hokimi Hayot Inog‘omov ma’lum qildi.

«Jamoamiz oldiga qo‘yilgan vazifalardan biri tibbiy xizmatlar sifatini oshirish, kamida 4ta poliklinika va 2ta ko‘p tarmoqli kasalxona qurish. 10ta MTT qurib bog‘chagacha qamrov, maktablarda darsliklar bilan ta’minlash darajasini 100 foizga yetkazish, kamida bitta davlat va 2ta xususiy oliy ta’lim muassasasi ochishni rejalashtiryapmiz. Bu orqali tumandagi muhitni yaxshilash, yoshlarimizni shu OTMda o‘qishi va ish bilan ta’minlashga ko‘maklashamiz. Sport va madaniyat infratuzilmalarini Toshkent shahridagi eng namunaviy darajaga ko‘tarmoqchimiz», dedi Yangihayot tumani hokimi Hayot Inog‘omov.

Shuningdek, ma’lum qilinishicha, tumanda uch yilda 30 mingdan ortiq yangi ish o‘rinlarini tashkil etish rejalashtirilgan.