Yangiyo‘lda shirkat rahbari 241,5 millionni talon-toroj qildi

Yangiyo‘lda shirkat rahbari 241,5 millionni talon-toroj qildi

Bosh prokuratura huzuridagi Departamentning Yangiyo‘l tuman bo‘limi tomonidan, fuqarolarning huquq va manfaatlarini himoya qilish yuzasidan o‘tkazilgan tergovga qadar tekshiruvda, tumandagi «F.» uy-joy mulkdorlari shirkati rahbari N.X. aholidan yig‘ilgan jami 241,5 mln so‘mni shirkatning bankdagi hisob-raqamiga kirim qilmasdan, o‘zlashtirish yo‘li bilan talon-toroj qilganligi aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.