Xitoydagi ishlab chiqarishga bo‘lgan qaramlikni kamaytirish va ta’minot zanjiri xavfsizligini ta’minlash uchun Yaponiya hukumati zavodlarini Xitoy tashqarisidan Yaponiya yoki Janubi-sharqiy Osiyo davlatlariga ko‘chirgan yapon shirkatlariga pul to‘lashni boshlaydi. Bu haqda Bloomberg nashri xabar bermoqda. 

57 ta kompaniyaga, jumladan xususiy Iris Ohyama Inc. hamda Sharp Corp. shirkatlari Yaponiyada ishlab chiqarishga investitsiya kiritish uchun yapon hukumatidan 57,4 mlrd. iyena ($536 mln.) subsidiya oladi. 

Yana 30 shirkat Vetnam, Myanma, Tailand va Janubi-sharqiy Osiyoning boshqa mamlakatlariga sarmoyalar kiritish uchun pul oladi, bunda pul miqdori haqida ma’lumot berilmagan.

Nikkei gazetasining yozishicha, Yaponiya hukumati dastlabki turda jami 70 milliard iyena to‘laydi. Hukumat tomonidan aprel oyidan boshlab 243,5 mlrd. iyena to‘lab boshlandi, bu mablag‘lar kompaniyalarga ishlab chiqarishni o‘z mamlakatiga yoki boshqa davlatlarga ko‘chirishga yordam beradi.

AQSh va Xitoy munosabatlari yomonlashgani va savdo urushi kuchaygani sayin AQSh va boshqa joylarda Xitoyning iqtisodiyoti va firmalarini qanday qilib "birlashtirish" haqida munozaralar kuchayib bormoqda. Yaponiyaning qarori, Xitoydan uyga investitsiyalarni qaytarishga qaratilgan 2019 yildagi Tayvan siyosatiga o‘xshaydi. Hozirga qadar boshqa hech bir davlat o‘zgarishni rag‘batlantirish uchun aniq siyosat yuritmagan.

Umuman olganda Xitoy Yaponiyaning eng yirik savdo hamkori bo‘lib, yapon kompaniyalari u yerga katta sarmoyalar kiritmoqda. Koronavirus pandemiyasining tarqalishi ushbu iqtisodiy aloqalarga va Xitoyning Yaponiyadagi obro‘siga putur yetkazdi. Bosh vazir Sindzo Abe hukumati 2012 yildagi Yaponiyaga qarshi harakatlaridan keyin yillar davomida Xitoy bilan munosabatlarni yaxshilashga harakat qilmoqda, ammo pandemiya va Sharqiy Xitoy dengizidagi orollar va gaz konlariga oid davom etayotgan hududiy tortishuvlar bu harakatlarga putur yetkazdi.