Kelgusi 10 yil ichida Toshkent xalqaro aeroporti shahar tashqarisidan 30-35 kilometr masofaga ko‘chirish rejalashtirilmoqda.

“Kelgusida ko‘chirishni amalga oshirish rejalari bor. Hozirda Toshkent xalqaro aeroporti deyarli shaharning markazida joylashgan. Kelajakda yo Angren yoki Chinozga, shahardan 30-35 kilometr nariga ko‘chirilishi mumkin“, — dedi “Uzbekistan Airports ” rahbari Ravshan Ismoilov Xalq so‘zi gazetasiga.

Uning so‘zlariga ko‘ra, yaqin bir yarim-ikki yil ichida poytaxt aeroportining ishlash darajasi yiliga 4,5 million yo‘lovchidan 7 million yo‘lovchiga oshiriladi.

“Toshkent Sharq“ yangi aeroporti ulangandan so‘ng esa bu raqam 10 milliondan ortib ketadi. Shu bois kelajakda yiliga 50 million yo‘lovchiga mo‘ljallangan yangi zamonaviy aeroport barpo etish haqida o‘ylayapmiz. “Bunday aeroport Toshkentdan tashqarida, rejalarimizga ko‘ra, 10 yil ichida bo‘ladi“, dedi u.

Mavzuga doir: O‘zbekistonda 5 ta yangi aviakompaniya tashkil etiladi

Mavzuga doir: «Uzbekistan Airports, Aviation&Logistics Forum»da kimlar ishtirok etadi?