Bugun AOKAhuzurida tashkil etilgan shtabda Bosh davlat sanitariya inspektori Nurmat Otabekov ishtirokida brifing o‘tkazildi. Unda muhim savol va murojaatlar yuzasidan javob qaytarildi:
Savol: Karantin vaqtida ishlab chiqarish jarayoni SES xodimlari tomonidan tekshirilishi to‘g‘rimi?
Javob: Karantin davrida, nafaqat ishlab chiqarish, balki barcha tadbirkorlik sub’yektlarida ularni xabardor etgan holda tekshirishlar o‘tkazilishi mumkin.
Tekshiruvlarda Bosh davlat sanitariya shifokori tomonidan karantin davrida vaqtinchalik tasdiqlangan 0372- sonli SanQM va Respublika maxsus komissiyasining bayon qarorlarining ijrosi o‘rganiladi.
Savol: «Yashil hudud»larda o‘quv markazlari faoliyatini boshlash mumkinmi?
Javob: Yo‘q, karantin choralari yengillaganiga qaramay, barcha turdagi ta’lim muassasalari va o‘quv kurslari faoliyatiga cheklovlar o‘z kuchida qoladi.
Savol: Kasallik aniqlanmagan hududlarda karantinni bekor qilsa bo‘ladimi?
Javob: Yo‘q, bo‘lmaydi. Vaziyat tez o‘zgarishi mumkin. Buni «yashil»dan «qizil»ga aylangan hududlarimiz misolida ham ko‘rish mumkin.