Yanvar-iyul oylarida jismoniy shaxslar tomonidan chet el valyutasini sotish hajmi 2,5 milliard dollarga yetdi, bu o‘tgan yilning shu davriga nisbatan 50 foizga yoki 842 million dollarga ko‘pdir, deya xabar beradi Markaziy bank axborot xizmati.

Xuddi shu davrda o‘zbekistonliklar 2 milliard dollarlik chet el valyutasini sotib oldilar, bu bir yil avvalgi ko‘rsatkichdan uch baravar ko‘p ($686 mln).

Pandemiya davrida, aprel oyida aholidan chet el valyutasini sotib olish keskin pasayib ketdi: bu oy o‘zbekistonliklar valyuta sotib olishdan ko‘ra ko‘proq valyuta sotgan yagona oy bo‘ldi. Keyin may oyida bu ko‘rsatkich yana ikki baravar oshib, 172 million dollardan 354 million dollargacha ko‘tarildi.

Iyun va Iyul oylarida o‘zbeklar biroz kamroq chet el valyutasini sotdilar - mos ravishda $345 mln. va $321 mln.

Natijada ushbu operatsiyalar bo‘yicha ijobiy saldo (sof taklif) 501 mln. dollarga yetib, o‘tgan yilning mos davriga nisbatan 489 mln. dollarga (yoki 49 foizga) kamaydi.