O‘zbekiston Respublikasi IIV YHXBB Axborot xizmati xabariga ko‘ra, joriy yilning 3 mart kuni Qashqadaryo viloyati, Chiroqchi tumani hududida joylashgan "Umakay" muntazam YPX maskanida xizmat olib borgan YPX xodimlari J.Muhammadiyev va M.Normurodovlar tomonidan "Farg‘ona-Surxondaryo" yo‘nalishida harakatlanib kelgan haydovchi, A.A. boshqaruvidagi "DAF" rusumli yuk avtomobili to‘xtatilib yukxonasi tekshirilganda, tegishli hujjatlarsiz, umumiy qiymati 105.600.000 (bir yuz besh million olti yuz ming) so‘mlik, og‘irligi 24.000 (yigirma to‘rt ming) kilogrammga teng bo‘lgan, polietilen qoplarda ammofos mineral o‘g‘iti olib ketilayotganligi ma’lum bo‘lgan.
Holat yuzasidan tegishli hujjatlar rasmiylashtirilib, aniqlangan mahsulot va olib ketayotgan haydovchi chora ko‘rishlik uchun tuman IIBga topshirilgan.