«ЙПХ ходими автомобилда отвёртка борлиги учун далолатнома тузди»ми?
25.03.2021 08:58,
842
Ижтимоий тармоқда «ЙПХ ходими автомобилда отвёртка борлиги учун далолатнома тузди» сарлавҳаси остида видео тарқалди. Ушбу ҳолат бўйича ЙҲХББ маълумот берди.
«Жорий йилнинг 23 март куни соат 23:00 ларда, Тошкент вилояти, Зангиота тумани, Токзор МФЙ ҳудудида жойлашган блок-постда хизмат олиб борган ЙПХ ходими Ж.Искандаров томонидан «Спарк» русумли автомобиль тўхтатилган.
Холислар иштирокидаги текширув давомида ХПБ ТП профилактика инспектори А.Алманов томонидан автомобилда мавжуд бўлган отвёртка ўткир тиғли восита дея ҳисобланиб тегишли ҳужжатлар расмийлаштирилган.
Мазкур ҳолат юзасидан Тошкент вилояти ИИББ томонидан суриштирув ҳаракатлари олиб борилмоқда» дейилади Бош бошқарма матбуот хизмати хабарида.