Toshkentning Yunusobod tumani davlat soliq inspeksiyasi xodimi korxona rahbaridan pora olayotgan vaqtida qo‘lga olindi. Tezkor tadbir Davlat xavfsizlik xizmati Toshkent shahar boshqarmasi hamda shahar prokuraturasi va Departament tomonidan o‘tkazilgan.

Tadbir davomida Yunusobod tumani Davlat soliq inspeksiyasining katta inspektori mahalliy mas’uliyati cheklangan jamiyat ta’sischisidan 3,5 ming AQSh dollari miqdorida pora olayotganda qo‘lga olingan.

Aniqlanishicha, ushbu mansabdor shaxs MChJda amalga oshirilishi rejalashtirilayotgan kameral tekshiruvda ijobiy xulosa berilishini ta’minlashni va’da qilgan.