Ukraina prezidenti Vladimir Zelenskiy Rossiya saytlari va ijtimoiy tarmoqlariga nisbatan taqiqni yana uch yilga uzaytirdi. Tegishli qaror prezident rasmiy saytida chiqdi deb xabar bermoqda RIA Novosti.

Sanksiya "VKontakte" , "Odnoklassniki" kabi ijtimoiy tarmoqlar, "Yandeks", Mail.ru, "Doktor Veb", "Kasperskiy", 1S, "Parus" kabi saytlarga nisbatan qo‘llanilgan.

Ukraina Milliy xavfsizlik va mudofaa kengashi 400 yuridik va jismoniy shaxslarni o‘z ichiga olgan navbatdagi sanksiyalar paketi loyihasini tayyorlagan.

Ushbu taqiqlar 2017 yil may oyida prezident Poroshenko davrida 3 yilga qo‘llanilgan edi.

Rossiya TIV ukrain hukumatining joriy harakatini muqobil axborot manbalarini to‘sish sifatida baholamoqda.