БААда жойлашган Majid Al Futtaim холдинг компанияси AKFA Group билан ҳамкорлик доирасида Ўзбекистонда Carrefour супермаркетлари ва гипермаркетларини очади. Бу ҳақда Majid Al Futtaim расмий сайтида маълум қилинган.
Режага кўра, 2020 йилда учта супермаркет ва битта гипермаркет, 2021 йилда иккита супермаркет ва битта гипермаркет ўз фаолиятини бошлайди.
Маълум бўлишича, Тошкентда Carrefour супермаркетларини очиш бўйича музокаралар 2017 йилда бошланган.
Majid Al Futtaim Осиё ва Африка қитъаларида ўнлаб савдо марказларини бошқаради. 1995 йилда Франциянинг трансмиллий ритейлери ҳисобланувчи Carrefour билан ҳамкорлик ўрнатган.
Дунёда турли номларда фаолият кўрсатувчи 15 мингдан зиёд Carrefour дўконлари бор.